當你買保險時，和簽其他合約唔一樣，因為保險係基於「最高誠信」原則。簡單啲講，就係你要誠實同清楚咁話畀保險公司知你有啲乜資料，特別係關於你申請嗰隻保險嘅重要事實。
點解要你披露？因為保險公司對你嘅健康、生活習慣等等完全唔了解，佢哋只可以靠你提供資料嚟評估風險同釐定保費。所以法律要求你講清楚所有同風險有關嘅「重要事實」。
如果你冇講清楚呢啲資料，後果可以好嚴重。保險公司可能會取消你份保單，當係根本未存在過，連賠償都唔使比，只係退番你畀過嘅保費。
咁乜嘢叫「重要事實」？就係任何會影響一個審慎嘅保險公司去判斷點樣訂保費、接唔接受風險嘅事實都算。例如你有冇長期病、之前睇過乜醫生、生活習慣點樣之類。
如果你唔肯定某件事應唔應該講，最好同保險公司講定先！寧願事前講多過事後麻煩，起碼保障自己。
